Ish-tekniku i të rinjve te klubi i Barcelonës, Albert Benaiges, është akuzuar nga mbi 60 ish-nxënës të një shkolle publike ku ai punonte, për abuzim seksual. Benaiges po hetohet nga autoritetet spanjolle, pas publikimit të akuzave në gazetën “Ara” me qendër në Barcelonë.
Bazuar në raportimet e medias katalanase, akuzat kundër Albert Benaiges datojnë që në vitet 1980 dhe 90, kohë kur ai punonte si mësues në lagjen Les Corts të qytetit. Madje një nga ish-studentët e tij ka bërë një deklaratë zyrtare në polici dhe të tjera pritet të vijojnë në ditët në vijim.
71-vjeçar i ka mohuar akuzat, ndërsa duket se asnjë nga lojtarët e Barcelonës nuk e ka akuzuar Benaiges për abuzim. Rikujtojmë si ai ka punuar në sektorin e të rinjve të klubit katalanas nga viti 1991 deri në 2011 dhe më pas u kthye vitin e kaluar. Ndërsa javën e kaluar dha dorëheqjen javën e kaluar.
Trajneri aktual i grupit të parë të Barcelonës, Xavi Hernandez, e ka pasur Benaiges, si trajner në ekipin e të rinjve.
Ai u shpreh se ishte “i befasuar dhe i habitur” nga akuzat. Teksa Presidenti i Barcelonës, Joan Laporta, është shprehur se klubi po analizon informacionin për t’u shprehur për këto akuza të rënda.
“Ky njeri që u largua nga klubi për arsye personale, pasi ne e kishim punësuar për talentin e tij në gjetjen e lojtarëve dhe vlerësimin e talentit të të rinjve. Ajo që klubi po bën është të mbledhë të gjitha informacionet që dalin, në mënyrë që të të mund të bëjmë një deklaratë zyrtare”-u shpreh Laporta./K.T/Gijotina.com
Discussion about this post