Largimi i trajnerit Antonio Konte e vendosi me shpatulla pas muri skuadrën e Interit që u gjend e papërgatitur teksa ishin në presion me kohën për të zyrtarizuar pasuesin e italianit. Drejtuesit e klubit zikaltër firmosën me ish-teknikun e Lacios, Simone Inzagin i cili spikati ndër vite tek bardhekaltërit duke krijuar një skuadër konkuruese dhe të denjë për t’i krijuar çdo problem kundërshtarëve.
Së fundmi ish-trajneri i Interit, Corrado Orrico ka theksuar se zikaltërit nuk duhet të kishin firmosur me Inzagin pasi ai mbivlerësohej shumë tek Lacios dhe merrte meritat e drejtorit sportiv Igli Tare.
“Interi gaboi që mori Inzaghin si trajner. Ai ndihmohej jashtëzakonisht shumë nga Igli Tare te Lazio. Pa shqiptarin, Inzaghi çalon shumë sepse nuk ka më dikë që i heq gështenjat nga zjarri”, deklaroi 81-vjeçari italian.
Discussion about this post