Ish-futbollisti i skuadrës së Milanit, Klaren Sedorf i ka dalë në mbështetje trajnerit të Juventusit, Masimiliano Alegrit. Ai ka theksuar se edhe fitoret minimale duhet të vlerësohen ndonëse ka disa kritika për lojën e bardhezinjve.
“Ishte një ndeshje e vështirë, e luajtur jo mirë nga Juventusi, ndonëse unë jam dakord me idenë e Alegrit se në momentet e vështira mund të fitosh edhe shëmtuar. Fundja, në futboll vlen rezultati dhe të bërit ndryshimin me individualitetet në ndeshje të mbyllura si kjo është specialitet i Alegrit.
Por nëse Juventusi po tregon se me tri pikët e radhës do të ketë një vetëbesim më të madh, ajo që duhet është se niveli i lojës së tyre është ende shumë larg, ndaj për të tentuar trofe nevojitet shumë herë më shumë”, tha holandezi.
