Deputeti i Partisë Demokratike në Lushnje Saimir Korreshi gjatë seancës së sotme plenare ka adresuar pranë qeverisë shqetësimin e qytetarëve lushnjarë lidhur me me vendimin e ARRSH-së për mbylljen e hyrje daljeve të rrezikshme, që prek dhe autostradën Lushnje-Fier. Sipas tyre kjo do do të dëmtonte ata, pasi iu duhet të lëvizin për të transportuar mallra. Koreshi kërkoi nga qeveria që të ofrojë një zgjidhje përmes një rruge dytësore.
“Është e turpshme që për 30 vite ne kërkojmë të japim një zgjedhje drastike. Po nxjerrin në rrugë punonjësit. A është zgjidhje ajo që thoni ju. Zgjidhja kryesore është rruga dytësore. Nuk mund të mbyllni këto biznese. Po lini vetëm njerëz që lozin domino në Shqipëri. Është absurde në logjikë që t’i kaloni dalje në autostradë. Nocioni shteti nuk është i majtë dhe i djathtë. Duhet të japë të drejtën në një rrugë dytësore. Nuk mund të kërkoni gjel deti prej floriri prej 30 mijë eurosh. Ju kërkoni gjoba “,u shpreh ai.
Korreshi ngriti dhe një tjetër problem të zonës që ai përfaqëson. Ai pretendoi se në shkollat e Lushnjes ende nuk janë pajisur me regjistra dhe mësuesit marrin shënim me fletore.Sipas tij, nxënësit nuk kanë me çfarë të ngrohet në klasa, ndaj ulen 4 veta në një bangë.
“A keni qenë ndonjëherë atje? A e dini që është java e 11 dhe nuk ka regjistra në shkollat e Lushnjes. Mësuesit marrin shënime me fletore. Ne 400 mijë lekë për regjistra nuk kemi. Ishalla nuk zë ndonjërin barku se do ia gjeni në tabelë nderi notat. Ju thoni Covid. Ata po rrinë nga katër veta në një bangë sepse nuk kanë të ngrohen”, tha Korreshi.
Korreshi gjithashtu foli për borxhin e OSHEE-së duke kërkuar me ironi që familjeve të iu kalohet ndonjë batanije, pasi nuk kanë mundësi të ngrohen as me gaz.
“Keni mundësi sot që në vend që të bëni presion ndaj mësuesit për votën, duhet t’i jepni mundësinë qoftë të majtë apo të djathtë. Mësuesi nuk ka teser partie. Sot mësuesit janë në nevojë se nuk kanë marrë lekët e korrigjimeve. Meqë kaluat atë borxhin për OSHEE i thojini të kalojnë ndonjë batanije sepse as me gaz nuk po ngrohemi. Familjarët po ngrohen me gjysmë bombule. Premtoni një gjel deti për vit të ri ndërkohë që njerëzit ngrohen me batanije”, u shpreh ai.
Discussion about this post