Një grabitës serial është vënë në prangat e policisë në Tiranë. Bëhet fjalë për personin e identifikuar me iniciale F. D., 18- vjeç i cili ishte kthyer në makth për banorët e kryeqytetit për shkak të vjedhjeve seri që ka kryer dy muajt e fundit. Në momentin që është arrestuar i riu kishte një dron me vete, e cila është sekuestruar nga policia pasi dyshohet se është përdorur për të kryer vjedhjet.
Droni rezulton se është vjedhur në një firmë ndërtimi një ditë më parë.
Vjedhjet, gjatë muajve tetor dhe nëntor:
- Më datë 11.10.2021, në rrugën “Abdyl Frashëri”, Tiranë, dyshohet se ka vjedhur një shumë parash në një qendër estetike;
- Më datë 29.10.2021, në rrugën “Pjetër Bogdani”, Tiranë, dyshohet se ka vjedhur një laptop në një qendër kursesh;
- Më datë 30.10.2021, në rrugën “Marco Boçari”, Tiranë, dyshohet se ka vjedhur një shumë parash në një qendër estetike;
- Më datë 30.10.2021, në rrugën “Andon Zako Çajupi”, Tiranë, dyshohet se ka vjedhur një shumë parash në një qendër fizioterapie;
- Më datë 31.10.2021, në rrugën “Vaso Pasha”, Tiranë, dyshohet se ka vjedhur një shumë parash në një qendër estetike;
- Më datë 04.11.2021, në rrugën “Pjetër Bogdani”, Tiranë, dyshohet se ka vjedhur një shumë parash në një restorant.
Discussion about this post