“Ishte lojë e ulët”, Rama reagon për rezolutën mbi Srebrenicën në Kuvend: Ç’ne sot?

Kryeministri, Edi Rama ka reaguar pas rrëzimit të rezolutës për dënimin e masakrës së Sebrenicës në parlament, ditën e sotme. Në një postim në Twitter, Rama shkruan se deputetët që e iniciuan dhe kritikojnë qeverinë për votën kundër, së pari duhet të pyes ç’ne kjo rezolutë sot. Sipas tij, ajo nuk është rezolutë por lojë e ulët e iniciuesve.

“Ata që hidhen përpjetë për gjoja dështimin e një rezolute mbi Srebrenicën në parlamentin shqiptar, si fillim duhet të pyesin po ç’ne kjo rezolutë sot, pse, me ç’rast? Pastaj duhet të informohen mbi tekstin në fjalë dhe në fund duhet ta mësojnë se ajo s’ishte rezolutë po lojë e ulët!” – shkruan Rama në Twitter.

Kujtojmë se ditën e sotme mazhoranca votoi kundër rezolutës për dënimin e masakrës së Sebrenicës, e cila u propozua nga deputeti i Partisë Demokratike dhe anëtari i Komisionit të Rithemelimit, Tritan Shehu.