Lumi në foto është vendi ku 32-vjeçarja Orjana Gremi braktisi foshnjën e saj vetëm një javëshe. Bebja u gjet nga punonjësit e policisë i pajetë në lumin Kir.
Ai ishte i mbuluar me batanije dhe me plasmas, por i ftohti i acartë dhe mungesa e ushqimit gjatë natës bënë që foshnja mos të mbijetonte dot.
Mësohet se Gremi jetonte me dajën e saj në fshatin Myselim, komuna e Postribës në Shkodër. Orjana Gremi është paraqitur me dhimbjet e lindjes më 30 dhjetor 2022. Ajo ka lindur atë natë në spitalin e Shkodrës.
Në certifikatën e parë të lindjes, fëmijës nuk i është regjistruar atësia. Ndërkohë, që gruaja ka komunikuar me stafin e spitalit, të cilëve iu ka rrëfyer për planin makabër që kishte në plan të kryente. Ajo iu ishte shprehur se fëmijën do ta hidhte në lum pasi nuk kishte ku ta linte.
Edhe pse gruaja e ka bërë këtë njoftim, nuk është marrë asnjë masë, si nga Policia e Shkodrës qoftë edhe spitali rajonal për të trajtuar 32-vjeçaren dhe për të ruajtur jetën e fëmijës.
Por gruaja është lënë të dalë nga spitali, ku më pas ka shkuar dhe ka hedhur fëmijën në lumin Kir. Atje, bebja një javëshe është gjetur e mbuluar me batanije dhe plastmas i pajetë.
Discussion about this post