Artan Tafani, i penduar i drejtësisë, i cili ka rrëfyer disa nga krimet e bandës së Laert Haxhiajt, ka pohuar para grupit hetimor se grupi kriminal ka dashur të vrasë edhe avokatin Adriatik Doga.
Ky i fundit duke folur në emisionin “Breaking” në Top News, thotë se asnjë organ nga Policia e Shtetit nuk i ka ofruar mbrojtje pas përmendjes së emrit në dëshminë e Tafanit.
”Me Marjus Tafanin jam takuar 3 muaj më parë. Kemi pirë kafe. E kam kushëri dhe nuk e mendoj kurrë se kam qenë shënjestër për t’u vrarë nga Laert Haxhiu, të cilin nuk e njoh.
Me babanë e tij përshëndetem në Lushnje, por Laert Haxhiun e njoh vetëm për fytyrë. Marjus Tafani është përdorues i lëndëve narkotike dhe deklaratën e tij e quaj trillim. Familja ime është e tmerruar”, tha avokati Doga.
I pyetur nëse ka pasur klientë nga banda e Aldo Bares, avokati shprehet se ka klientë nga të gjitha palët.
“Kush më kërkon të ofroj shërbime e bëj patjetër. Jam takuar edhe me ish prokuroren e Lushnjes, e cila gjithashtu nuk ishte në dijeni se ishtë shënjester e Laert Haxhiut. Unë nuk kam frikë as nga Laert Haxhiu, as nga Aldo Bare. Do ndjek çdo hap ligjor. Nëse Laert Haxhiu më donte të vdekur do më kishte vrarë 100 herë për këtë të jeni të sigurt”, përfundon avokati Doga.
Discussion about this post