Ilir Daja flet për sfidën me Dinamon e Zagrebit: Presim një fitore…

Trajneri Ilir Daja pas ndeshjes ndaj Llapit, ku Ballkani fitoi me rezultat 2-1,  foli edhe për ndeshjen ndaj Dinamo Zagrebit në Ligën e Konferencës.

Daja kërkoi mbushjen e stadiumit me tifozë për ndeshjen që luhet të enjten, ndërsa kroatët dhe çekët i sheh si favorit të grupit.

“Kemi më shumë kohë për Dinamon. Dinamo dhe Viktoria Plzen janë favoritë në grupin tonë. Me mbështetjen e tifozëve të Suharekës dhe komplet Kosovës që na admirojnë për atë që kemi bërë, do të kemi motiv shumë më të madh nëse stadiumi do të jetë i mbushur. Ka kërkesa të mëdha për bileta. Me mbështetjen e gjithë Kosovës, besoj se do paraqitemi mirë”, ka thënë Daja.

Ballkani ka njoftuar se biletat për këtë ndeshje do të jenë të personalizura, ndërsa ka njoftuar se tifozët kroatë nuk do të jenë në stadium pas vendimit të UEFA-s.