Mëngjesin e sotëm një aksident i rëndë është shënuar në Serbi. Përplasja ndodhi në afërsi të digës së Rovnit. Bëhet fjalë për një mjet tip minibusi, plot me pasagjerë, i cili është përmbysur. Për pasojë një grua ka humbur jetën, ndërsa udhëtarët e tjerë janë plagosur.
Sipas kurir.rs në minibus kanë qenë 17 pasagjerë.
3 nga 16 pasagjerët e plagosur janë në gjendje të rëndë.
Siç mëson Kurir, aksidenti ka ndodhur kur shoferi i minibusit ka dalë nga automjeti për të pyetur rojen për kalimin e digës Stubo-Rovni.
Dyshohet se shoferi nuk ka aktivizuar frenat e dorës kur ka dalë nga minibusi.
Minibusi depërtoi gardhin mbrojtës dhe u rrokullis nga një shpat rreth 50 metra i gjatë.
Në vendin e ngjarjes kanë shkuar forcat zjarrfikëse dhe ambulancat.
Policia po heton për shkaqet e plota të ngjarjes.
Discussion about this post