Fotoja që po shihni është e Ardian Çollakut, viktimës së atentatit të ndodhur mbrëmjen e djeshme në Elbasan.
Çollaku i cili ka qenë shënjestër bashkë me shokun e tij Lulzim Bitri janë persona me precedent të theksuar kriminal në qytetin e Elbasanit. Ai është hetuar për vrasjen e Everest Çakaj, vidhte mjetet dhe ua shiste kriminelëve për të kryer vrasje. Burime për gijotina.com bëjnë me dije se Çollaku ka qenë i dënuar edhe në Itali.
Theksojmë se Çollaku dhe Bitri janë ekzekutuar në një pikë karburanti në qendër të qytetit, teksa ishin duke ecur dhe janë qëlluar me mbi 17 plumba nga një makinë në lëvizje. Pak pas ngjarjes kanë humbur jetën 35- vjeçari Lulzim Bitri, ndërsa 50- vjeçari ndërroi jetë sot tek spitali i Traumës. Mbrëmjen e djeshme, në zonën e Balldre është gjetur një makinë tip “Volvo” e djegur, e cila dyshohet të jetë e autorëve, pasi këtë skenar e kemi hasur në të gjitha atentatet mafioze. Fill pas krimit autorët përpiqen të fshehin gjurmët duke i vënë flakën provave materiale që rrezikojnë të çojnë në zbulimin e krimit.
