Një 40-vjeçar shqiptar është arrestuar nga policia italiane, pasi akuzohet që trafikonte lëndë narkotike. Sipas mediave italiane, në pranga është vënë edhe një tjetër shtetas, ndërsa operacioni është zhvilluar në zonën e Aquila-s.
Bëhet me dije se, gjatë kontrollit në banesë, të arrestuarve iu gjetën 23 doza të vogla kokaine me një peshë prej 10 gramësh si dhe 5 pako kanabis me një peshë prej 450 gramësh. Kanë qenë fqinjët e të arrestuarve që kanë thërritur policinë duke u shprehur se në banesën e tyre kishte shumë hyrje-dalje nga persona të ndryshëm. Policia dërgoi në vendngjarje dy efektivë të veshur civilë të cilët qëndronin në hyrjen e pallatit.
Ata vunë re se shumë persona hynin dhe dilnin nga ndërtesa dhe pasi pikasën apartamentin e trafikantëve, hynë dhe bënë të mundur arrestimin e tyre.
E.H/ gijotina.com/
