Ish-kryeministri Sali Berisha ka bërë një deklaratë të fortë për atë që po ndodh sipas tij në ishullin e Sazanit që prej 3 ditësh është nën “pushtetin” e flakëve dhe ende nuk ka asnjë përmirësim të situatës.
Gjatë një statusi në rrjetet sociale, Berisha shkruan se ushtria ndodhet në kolaps për shkak se ushtarët kanë dhënë dorëheqjen, si pasojë e pagesave të ulëta dhe kushteve të papërshtatshme të punës. Gjithashtu Berisha i bën thirrje NATO-s që të ndërmarrë një inspektim për vlerësimin e gjendjes së Forcave të Armatosura.
“Ushtria në kolaps të plotë! Gjysma e ushtarëve kanë dorëzuar dorëheqjen në komandat e tyre për shkak të rrogave shumë të ulëta dhe kushteve të papërshtatshme. Oficerë madhorë të saj punojnë pasdite në bare dhe restorante për të plotësuar rrogat e ulëta që marrin. Të gjithë helikopterët nuk ngrihen dot më në ajër. Anijet e flotës detare nuk janë në gatishmëri. I bëj thirrje NATO-s të ndërmarrë një inspektim për vlerësimin e gjendjes tejet të rëndë të forcave të armatosura të një vendi anëtar të saj! Po kështu është situata dhe me Flotën Detare, ku asnjë anije luftarake nuk është në gatishmëri…! Prej 3 vitesh asnjë helikopter apo anije luftarake nuk janë në gatishmëri dhe një gjë të tillë e raportojnë në buketinin ditor të Shtabit të Përgjithshëm të Ushtrisë…!”, shkruan Berisha në postimin e tij.
Discussion about this post