Policia në Gadishullin Jugor të Islandës u ka bërë thirrje qytetarëve të Grindavik, një fshat peshkimi në bregun jugperëndimor të vendit, të evakuohen për shkak të një shpërthim vullkanik që filloi në veri të qytetit.
“Duam t’u kërkojmë drejtuesve të mjeteve që të mos bllokojnë rrugët dhe të krijojnë rreziqe të panevojshme! Mbajini rrugët hapur që njerëzit të mund të evakuohen”, tha policia në një deklaratë, pasi çarja e vullkanit ka kaluar 3 km dhe po i afrohet qytetit.
Vullkani në jugperëndim të Islandës që filloi të shpërthejë të hënën dërgoi shatërvanë llave deri në 100 metra, me shkëlqimin e shpërthimit të dukshëm deri në qendër të kryeqytetit, Reykjavik.
Vendndodhja e çarjes përbën rrezik për stacionin gjeotermik aty pranë Svartsengi dhe qytetin e Grindavik, i cili filloi të evakuohej muajin e kaluar për shkak të rritjes së aktivitetit sizmik.
JUST IN: First aerial footage captured just minutes ago of the newly opened volcanic fissure near Grindavík, Iceland.
It is estimated to be about 3 km long! pic.twitter.com/uLLpmZHvFe
— Nahel Belgherze (@WxNB_) December 18, 2023
“Ne po shikojmë skenarin më të keq”, tha Thorvaldur Thordarson, një vullkanolog në Islandë. “Shpërthimi duket i madh dhe vetëm dy kilometra larg infrastrukturës kryesore”.
Um Grindavík og gosið:
-Lögreglustjórinn á Suðurnesjum segir búið að kalla viðbragðsaðila sem voru í Grindavík út úr bænum. Bærinn á að vera mannlaus.
-Gosið er staðsett nálægt Sundhnúksgígum um 4 km norðaustur af Grindavík.
-Gossprungan gæti lengst í áttina að Grindavík. pic.twitter.com/DPJzow7ibt— Fréttastofa RÚV (@RUVfrettir) December 19, 2023
Mijëra tërmete ishin zbuluar në Islandë që nga fundi i tetorit, sipas Shërbimit Meteorologjik Islandez. Në nëntor, me shtëpi dhe rrugë të shkatërruara, autoritetet shpallën gjendjen e jashtëzakonshme dhe evakuuan Grindavik, një qytet me më shumë se 3,000 banorë pranë vullkanit.
Vetëm në dy vitet e fundit, ka pasur tre shpërthime në gadishullin Reykjanes, cepi më i populluar i Islandës. Kur Grindavík u urdhërua të evakuohej më 11 nëntor, autoritetet thanë në një deklaratë se vendi ishte “i përgatitur për ngjarje të tilla”.
❗🌋🇮🇸 – #BREAKING: The fissure northeast of Grindavík is now 3.5 km long. In just 2 hours the fissure expanded from 1 to 3.5 km. Currently, around 150 cubic meters of lava are erupting per second. pic.twitter.com/abp5YBv2Hm
— 🔥🗞The Informant (@theinformantofc) December 19, 2023
“Islanda ka një nga masat më efektive të gatishmërisë ndaj vullkanit në botë,” tha ajo në faqen e saj të internetit.
Autoritetet e kanë ngritur alarmin e aviacionit në portokalli sepse një shpërthim vullkanik mund të rrezikojë avionët që fluturojnë në Atlantikun e Veriut nëse hiri derdhet në qiell.
Shpërthimet vullkanike nuk janë të rralla në Islandë, e cila ka më pak se 400,000 banorë dhe rreth 130 vullkane.
Vendi shtrihet mbi dy pllaka tektonike, të cilat ndahen nga një varg malor nënujor që lëshon lavë ose magmë.
Aktiviteti aktual sizmik nuk ka prekur një nga vullkanet më të njohur të Islandës, Katla, i cili ka shpërthyer pesë herë që nga viti 1721, në intervale që variojnë nga 34 deri në 78 vjet. Shpërthimi i fundit i madh ishte në vitin 1918.
Discussion about this post