Në emisionin “Rudina” në “Tv Klan”, Ismet Shehu ndau një rrëfim emocionues lidhur me një ndërhyrje të vështirë kirurgjikale në valvulën e aortës në zemër. në një kohë kur sapo ishte bërë baba.
Ai tregon se mendimi i vetëm që kishte në kokë gjatë kësaj kohe ishte vajza e tij, Ines.
Për shkak se vajza e kirurgut dhe e tij kanë të njëjtën moshë, ai thotë se e vetmja gjë që i ka thënë mjekut përpara se të hynte në sallën e operacionit ishte “Do të të lë vetëm një porosi. Ki kujdes sepse unë kam një vajzë sikur ke ti”.
Më tej, ai tha se kur u zgjua pas operacionit, kishte nisur të qante prej gëzimit që do të shihte sërish vajzën.
Ismet Shehu: “Pas 4-6 orësh në operacion, më doli narkoza dhe më dolën lotë e më pyet doktori: “Pse qan?” dhe i thashë “po do shoh Inesin”. Ajo ishte gjëja e parë.
