241 naftëtarë, minatorë dhe metalurgë në të gjithë vendin janë shpallur përfitues të pensionit suplementar. Ditën e sotme, Instituti i Sigurimeve Shoqërore ka publikuar listën e radhës për shqyrtimet e bëra në periudhën 7 shtator korrik-13 tetor, nga të cilët janë shpallur fitues 241 aplikantë në të gjithë vendin.
Fituesit janë kryesisht nga qyteti i Sarandës, Vlorës, Tiranës, Krujës, Mirditës, Kurbinit, Pogradecit. Gjithashtu ka përfitues nga qyteti i Fierit, Elbasanit, Gramshit, Durrësit, Matit, Skraparit dhe Kuçovës.
Sipas të dhënave të publikuara, personat e shpallur fitues do t’iu kalojnë paratë automatikisht në llogaritë e tyre bankare, në bazë të të dhënave që kanë dorëzuar sëbashku me dokumentet e aplikimit. Prandaj, për secilin prej tyre është përcaktuar edhe qendra përkatëse se ku do të tërheqin pensionin apo shtesën që ju takon, për shkak të punës së kryer në profesionet e përcaktuat në ligj dhe përmendura në dokumentacion.
Sakaq, Instituti i Sigurimeve njofton se një pjese të konsiderueshme aplikantësh, iu janë kthyer dokumentet në mënyrë që të plotësojnë boshllëqet në to dhe t’iu jepet një tjetër mundësi për të aplikuar. Kjo bëhet për shkak se, duhet që të vërtetojnë me saktësi vjetërsinë dhe llojin e punës, sepse dhe shtesa e pensionin varet në bazë të tyre, profesione të ndryshme kanë koeficient të ndryshëm indeksimi, gjithashtu edhe numri i viteve të punës ndikon.
Lista e plotë:
https://www.issh.gov.al/wp-content/uploads/2021/10/07_shtator_13_tetor_2021.pdf
