Itali, 24-vjeçari shqiptar humb jetën në aksident

Një 24-vjeçar shqiptar ka gjetur vdekjen gjatë natës së djeshme në Itali, pas një aksidenti me BMW pak para kryqëzimit në rrugën Castelbellino.

Shqiptari Florenc Kasa duket se ka humbur kontrollin e makinës dhe më pas ka gjetur vdekjen e menjëhershme, pas përplasjes. Dinamika e aksidentit të ndodhur rreth mesnatës në zonën komunale Castelbellino në korsinë veriore për në Fabriano.

I riu po kthehej për në shtëpi, kur makina e tij u përplas me parmakët në pjesën e autostradës së prishur nga punimet në rrugë. Ai sapo kishte bërë ndërrimin e korsisë për në kantier dhe po kthehej në rrugën normale kur humbi kontrollin e makinës dhe goditi ndarjen e betonit.

Zjarrfikësit kanë ndërhyrë dhe kanë punuar për orë të tëra për të nxjerrë trupin e djalit nga kabina, i cili fatkeqësisht kishte ndërruar jetë.