Një 57-vjeçar shqiptar me banim në Terni u arrestua nga autoritetet italiane, pasi u kap me lëndë narkotike kokainë në xhep.
Ai kishte fshehur gjysmë grami kokainë në xhepin e pantallonave, ndërsa 17 doza të tjera i kishte futur në makinë.
Mediat italiane raportojnë se burri ishte një person i njohur për karabinierët, pasi edhe më herët kishte pasur probleme me drejtësinë.
Policia gjeti një sasi lënde narkotike edhe gjatë kontrollit të ushtruar në banesën e tij.
Burri nga Shqipëria do të qëndroj në masën e sigurisë “arrest shtëpie”, derisa gjykata të japë një vendim final për të.
