“Çoje te makina”/ Dalin pamjet, si e mori Policia gazetarin holandez që denoncoi “Albanian Files” të kryeministrit

Janë publikuar pamjet e shoqërimit të gazetarit holandez Vincent van Gerven Oei, i njohur për investigimet e tij mbi Shqipërinë dhe raportimet për lidhjet e pushtetit me sektorin e ndërtimit.

Një nga efektivët e kap gazetarin holandez nga krahët, ndërsa kolegu dëgjohet teksa shprehet “Merre çoje tek makina”.

Në momentin e shoqërimit, gazetari Oei dëgjohet teksa thotë se ka botuar libra për Shqipërinë. “Kam botuar libra për Shqipërinë. Quhem Vincent”.

Gjatë shoqërimit të gazetarit, policia ka përdorur spraj me piper ndaj aktivistes Alisa Braho, e cila po filmonte momentin kur ai po shoqërohej.

Kujtojmë se së fundmi, Vincent van Gerven Oei analizoi përmbajtjen e “The Albanian Files”, duke ngritur shqetësime për ndikimin e kryeministrit Edi Rama dhe parave të drogës në sektorin e ndërtimit.

Etiketa: Albanian Files Kryesore1 Policia