Një vizitë speciale kanë pasur nxënësit e shkollës shqipe “Nënë Tereza” në San Benedetto del Tronto, në Itali, kur në ambientet mësimore është shfaqur Babagjyshi, ose Plaku i Vitit të Ri. Dhurata të ndryshme janë shpërndarë për nxënësit që studiojnë në gjuhën shqipe, ndërsa drejtori i shoqatës “Shqiptarët e San Benedetto di Tronto”, Vasil Nushi, u shpreh se “Është kënaqësi të shohësh lumturi në fytyrat e fëmijëve, sidomos kur bëhet fjalë për 2 vitet e fundit, ku ata kanë qenë të privuar në aktivitetet e tyre. Siç duket edhe në pamje, nxënësit, mësuesit dhe Babagjyshi, kanë postuar një foto me simbolin e shqiponjës dykrenare, ndërsa në ditët në vijim priten aktivitete të shumta tek shqiptarët që jetojnë në Itali.
Discussion about this post