Etna, vullkani më aktiv në Evropën kontinentale, shpërtheu gjatë natës duke shkaktuar mbylljen e aeroportit në Katania në bregun lindor të Siçilisë, raportoi sot Instituti Italian për Gjeofizikën dhe Vullkanologjinë (INGV).
Vullkani nxori një shtëllungë të madhe hiri dhe gazra llave deri në një lartësi prej 9500 metrash. Autoritetet e aeroportit të Katanias njoftuan se kishin mbyllur fluturimet deri në orën 6:00 pasdite.
Ata raportuan se grimcat e hirit kishin mbuluar avionët dhe pistat, duke i bërë ato të papërdorshme.
“Shërbimet do të rifillojnë sapo infrastruktura të funksionojë sërish”, thanë ata.
Pluhuri gri i errët mbuloi banesat dhe rrugët rreth Katanias.
Etna, e cila arrin një lartësi prej rreth 3,350 metra, është vullkani më i madh aktiv në Evropë.
Ai shpërthen rregullisht dhe monitorohet vazhdimisht. Shpërthimet spektakolare tërheqin një numër të madh spektatorësh.
Shpërthimet shkaktojnë ndryshime në lartësinë e vullkanit. INGV ka raportuar një rritje të aktivitetit sizmik në rajon që nga fillimi i korrikut.
Discussion about this post