Kombëtarja e Italise ka fituar minifinalen në Ligën e Kombeve ndaj Belgjikës me shifrat 2-1. Në duelin e zhvilluar në “Allianz Stadium” kampionët në fuqi të Europës zhvilluan një performancë mjaft të mirë të gjithë golat u shënuan në pjesën e dytë. Italia kaloi në avantazh në startin e fraksionit të dytë falë golit të shënuar nga mesfushori i Interit, Barela. Italianët kishin kontrollin e lojës dhe i’a dolën të fitonin një penallti që u ekzekutua saktë nga futbollisti i Sasuolas, Berardi i cili mposhti gardianin e belgëve, Kurtua.
Megjithatë miqtë nuk u dorëzuan dhe rihapën ndeshjen në minutën e 86 me De Ketelaere por vetëm kaq pasi shifrat nuk ndryshuan deri në fundin e takimit. Të dyja skuadrat inkuandruan në fushën e lojës lojtarë pa shumë minuta nën këmbë gjatë Ligës së Kombeve duke lënë pushim titullarët. Italia kështu pozicionohet e treta në renditjen e këtij kompeticioni ndërsa Belgjika e katërta. Në mbrëmje zhvillohet finalja e madhe Francë-Spanjë.
