Myslim Murrizi ka publikuar sot shifrat marramendëse të pagave që paguhen punonjësit e KESH. Përmes një postimi në Facebook ai ka publikuar edhe dokumentin që tregon se vetëm administratori paguhet 3 milionë lekë në muaj, pastaj punonjës të tjerë marrin rrogë edhe më të lartë se presidenti apo kryeministri i vendit.
Përmes këtij postimi ai thumbon edhe opozitën, për të cilën thotë se nuk kryen rolin e saj pasi anëtar të PD kanë qenë dikur punonjës në KESH dhe janë paguar gjithashtu me këto rroga marramendëse.
Në mes tyre ai akuzon deputetin e PS Benet Bec dhe deputetin e PD Alfred Rushaj, të cilët kanë qenë më parë administratorë dhe nëndrejtor të KESH.
“Këto janë pagat në KESH. Administratori pra Benet Beci para se të bëhej deputet i PS merrte rrogë më shumë se Presidenti Meta, më shumë se Kryeministri Rama, më shumë se Kryetari i Kuvendit Ruçi.
Meqenëse në Shqipëri ka plot gazetare te pavarur por jo media te lira, po i publikoj unë tabelën e pagave sipas përgjigjes që me ka kthyer KESH-i. Nuk belbëzon asnjë fjale opozita e Bashës dhe e ish-nëndrejtorit te KESHIT ne vitet 1997-2005 Alfred Rrushaj”, shkruan ai.
Sakaq ai iu ka bërë thirrje institucioneve kontrolluesve në vend dhe mediave që
Të investojnë tek ndërmarrjet e tjera që janë shoqëri aksionare me taksat e shqiptarëve si Fondi Shqiptare i Zhvillimit, OST,OSHE , Sigurimet Shoqërore, Sigurimet Shëndetësore, si dhe bordet e Këshillat Mbikëqyrës te tyre.
