Ditën e sotme u hodh shorti i Ligës së Kombeve, ku u rezervuan përballje mjaft të forta mes kombëtareve më të mira të Europës.
Italia është në Grupin 3 të Ligës A, së bashku me Anglinë Gjermaninë dhe Hungarinë, por pavarësisht kundërstarëve, trajneri i “gli azzurri”, Roberto Mancini mendon se e gjitha do të jetë argëtuese.
“Është një grup i mirë, me Anglinë, Gjermaninë dhe Hungarinë, sigurisht që do të jetë argëtuese, spektakël i futbollit”, tha Mancini.
Ai analizoi dhe kundërshtarët dhe tha se Italia do të përpiqet të fitojë dhe të jetë në katër më të mirat e pse jo të fitojë turneun
“Anglia? Kundër tyre ishte finalja e fundit evropiane, kështu që sigurisht do të jenë dy ndeshje intensive. Kundër Gjermanisë është një klasik i futbollit botëror dhe për mua si trajner. do të jetë hera e parë: Jam i lumtur. Së fundi, kundër Hungarisë do të jetë edhe një ndeshje mes italianëve, me trajnerin e tyre Marco Rossi ata dolën shumë mirë në kampionatin e fundit evropian, do të përpiqemi të fitojmë, do të donim të luanim ‘Final Four’, siç ndodhi këtë vit, dhe të përpiqemi të fitojmë turneun”, tha italiani.
Discussion about this post