Roberto Mancini pritet të bëjë disa ndryshime në formacionin e Italisë për transfertën ndaj Turqisë, pas sfidës së debutimit në Ligën e Kombeve kundër Belgjikës.
Tre titullarë, Barella, Mancini dhe Coppola, do të qëndrojnë në Coverciano për të marrë pushim. Në mbrojtje, në skemën 4-3-3, Kayode pritet të zëvendësojë Di Lorenzon, ndërsa Bastoni rikthehet në formacion pas pezullimit. Në krahun e majtë mbetet ende e hapur gara mes Calafiorit dhe Ruggerit.
Në mesfushë, Romano pritet ta nisë ndeshjen nga stoli, ndërsa Frattesi kërkon një fanellë titullari pas aktivizimit në pjesën e dytë ndaj Belgjikës. Mandragora dhe Tonali janë gjithashtu kandidatë për të nisur nga minuta e parë, megjithëse Tonali mund të marrë pushim pasi luajti 90 minuta në ndeshjen e kaluar. Në gatishmëri është Doumbia.
Edhe në sulm priten ndryshime. Raspadori është favorit për të kompletuar repartin ofensiv së bashku me Kean dhe Pio Espositon.
Italia synon kështu një tjetër paraqitje pozitive, këtë herë në transfertën ndaj Turqisë, me Mancinin që kërkon të menaxhojë forcat e skuadrës në këtë fazë të Ligës së Kombeve.
Discussion about this post