Që kur iu dhurua kontrata si koncesionar Aeroportit “Nënë Tereza” në Rinas, Shefqet Kastrati ka krijuar monopol dhe po bën kërdinë me vjedhje, por aspak investime. Këtë herë ai ka penguar taksistët që të hyjnë në aeroport dhe të bëjnë punën e tyre. Mësohet se punëtorët e Kastratit kanë vendosur një tabelë ku shkruan “Ndalohen taksitë pa pasagjerë”. Duke e penguar këto lloj transporti t’u shërbejë qytetarëve.
Ky rast është denoncuar disa herë dhe më në fund Autoriteti i Konkurrencës ka reaguar. Në një vendim të publikuar ditën e sotme, Konkurrenca arsyeton se ky veprim cenon tregun e lirë dhe është një veprim në shkelje të ligjit.
“Komisioni i Konkurrencës, në mbledhjen e tij më datë 24.05.2023, mori në shqyrtim rastin në tregun e shërbimit taksi për udhëtarë nga dhe drejt aeroportit ndërkombëtar të Tiranës dhe vendosi lejimin e aksesit pa kushte për të gjithë ndërmarrjet që ofrojnë shërbimin taksi nga dhe drejt Aeroportit Ndërkombëtar të Tiranës si dhe heqjen e tabelës me shkrimin “Ndalohet taksi pa pasagjerë”, e cila ndalon dhënien e këtij shërbimi në shkelje të ligjit nr. 9121/2003”, thuhet në vendim.
Pas hetimeve të kryere dhe shkeljeve që ka konstatuar Autoriteti i Konkurrencës paralajmëron se do të marrë masa dhe Kastrati duhet të heq tabelën. Ndërsa në vendim theksohet që “Në rast të moszbatimit të vendimit për masën e përkohshme të cituar në pikën (I) të këtij vendimi, ndërmarrja Tirana International Airport SHPK ndëshkohet me gjobë deri në 10 % të xhiros vjetore”.
Shpresojmë që këtë herë AK të veprojë dhe të zbarojë vendimet e saj. Sepse deri më tani kemi parë se si tolerohet Kastrati nga këto institucione kontrollore kur bëhet fjalë për abuzimet në tregun e karburanteve.
Discussion about this post