Loro dhe Liza Gocaj mbetën në qiell të hapur pasi shtëpia e tyre u dogj totalisht mbrëmjen e kaluar. Liza Gocaj tregon në një prononcim për mediat se si shkak i rritjes së tensionit u detyrua t’i drejtohet urgjencës në Shkodër, bashkë me bashkëshortin e saj.
Nuk vonoi shume dhe një telefonate e kunatit te saj i lajmëroi se shtëpia e tyre po digjet. Flakët të ndihmuara edhe nga era e fortë, brenda 20 minutash shkrumbuan gjithçka dhe kështu çifti ka mbetur në qiell të hapur. Natën e kaluan ne urgjence, ndërsa mëngjesi i gjeti të moshuarit serish përpara gërmadhave. Mes lotësh dhe të mbetur pa para dhe pa asgjë tjetër. Liza apelon për ndihmë pasi kanë mbetur në qiell të hapur.
“Nuk kemi djalë ku te strehohemi thotë e moshuara, ndërsa vajzat nuk kanë gjendje të mirë ekonomike. Kemi mbetur pa asnjë tani, prandaj i kërkojmë shtetit që t’i hedh sytë nga ne, apo ndonjë që ka mundësi të vërë dorën në zemër”, Liza Gocaj. Shkak i zjarrit mendohet të ketë qene një shkëndijë elektrike, por askush nuk ka shkuar të vlerësojë gjendjen dhe t’u ofrojë ndihmë të moshuarve.
Discussion about this post