Nëna e katër djemve që ndërruan jetën nga një zjarr, ndërsa ata ishin vetëm në shtëpi, përshkroi ankthin e saj që duhej të jetonte me vdekjet e tyre për pjesën tjetër të jetës. Fqinjët thanë se nëna kishte dalë për të bërë pazar kur zjarri përfshiu shtëpinë e tyre, pak para orës 19:00. Rose tha se ka pasur vështirësi për të kapërcyer situatën, duke thënë për The Times: “Bryson, Kyson, Logan dhe Leyton ishin djemtë e mi, ata ishin foshnjat e mia, ata ishin jeta ime, ata ishin bota ime.
“Nuk mund ta kapërcej, nuk do ta kapërcej kurrë.”
27-vjeçarja u arrestua me dyshimin për neglizhencë të fëmijëve pas zjarrit dhe u lirua me kusht nga policia të shtunën deri në mes të janarit. Mamaja e djemve përshkroi se si djemtë e saj e donin shkollën dhe të ishin me stërgjyshërit e tyre. Ajo gjithashtu tha se ata pëlqenin të këndonin, të ngjiteshin, të kërcenin, të bënin art.
“Ata ndriçuan botën e të gjithëve dhe gjithmonë do të më vjen keq që shkuan kaq shpejt. Ata kishin planifikuar kaq shumë dhe tani ata janë larguar.
“Zgjohem dhe shikoj pemën e tyre të Krishtlindjes dhe shikoj rrobat e tyre, fustanet e tyre, vizatimet e tyre.”
Më shumë se 60 zjarrfikës shkuan në vendngjarje ditën e kur zjarri përfshiu banesën në të cilën ndodheshin të vetëm 4 fëmijët. Ata u dërguan në spital me urgjencë, por ndërruan jetë nga asfiksimi.
Discussion about this post