Chelsea fitoi një duel merkatoje me Liverpoolin, për shërbimet e Moises Caicedo, megjithatë tani mund të jetë penduar për faktin se amerikano jugori, jo vetëm që nuk e ndihmoi ekipin, por përkundrazi, shkaktoi më shumë telashe, në momentin kur trajneri vendosi që ta aktivizonte.
West Ham triumfon ndaj Chelsea-t, me derbin e Londrës që solli spektakël në shkallët e “London Stadium” në Parkun e Mbretëreshës Elizabetë.
“The Hammers” triumfuan bindshëm me rezultatin 3-1 ndaj “bluve” në një sfidë që ishte shumë e luftuar nga të dyja anët.
West Ham zhbllokoi sfidën që në minutën shtatë me Aguerd, i cili pas goditjes nga këndi të Ëard-Proëse, me një goditje me kokë e dërgoi topin në rrjetë.
Chelsea u kundërpërgjigj me Chukuemeka dhe mori barazimin në minutën e 28’.
Ndërkohë në minutën e 43’ “blutë” patën mundësinë që të kalonin në avantazh, por Enzo Fernandez nuk ia doli të shënonte nga pika e bardhë e penalltisë, pasi u ndal nga Areola, duke bërë që pjesa e parë të mbyllej me barazimin 1-1.
Në minutën e 53’ “The Hammers” rimorën avantazhin, me Antonion që realizoi një goditje perlë.
Megjithatë një ndërhyrje e gabuar ndaj Jackson, bëri që autori i golit të parë, Aguerd të merrte kartonin e dytë të verdhë dhe të linte ekipin e Moyes me dhjetë lojtarë.
Përtej faktit që ndodhej në inferioritet numerik që nga minuta e 67’, West Ham ia doli të gjente rrugën drejt rrjetës edhe njëherë tjetër.
Pas fitimit të penalltisë, në minutën e 90+5’ Lucas Paqueta mori përsipër ekzekutimin dhe e dërgoi topin në fundin e rrjetës.
Pas javës së dytë të Premier League, West Ham shkon në kuotën e katër pikëve në vend të gjashtë, teksa Chelsea me një pikë renditet në vend të 14-të./SSA
Discussion about this post