Është i lartë numri i prokurorëve dhe gjyqtarë të cilët preferojnë të japin dorëheqjen nga puna në vend që të kalojnë në filtrat e vettingut. Të njëjtën gjë ka bërë këtë herë gjyqtari Vlorës, Skënder Damini, i cili pak kohë më parë kishte dorëzuar kërkesën pranë KLGJ.
Pas shqyrtimit të kërsesë, Këshilli i Lartë Gjyqësor vendosi të pranojë dorëheqjen e gjyqtarit dhe vendosi për largimin e tij nga puna. Sakaq, bëhet me dije që, nëse ky vendim i KLGJ-së nuk do të ankimohet, atëherë Komisioni i Pavarur i Kualifikimit, KPK ashtu si në raste të tjera të ngjashme pritet të ndërpresë procedurën e vettingut për Daminin
Në dorëheqjen e dorëzuar, gjyqtari shprehej se e kishte pasur nder dhe privilegj që kishte punuar për 28 vite si gjyqtar, por kërkonte të largohej nga sistemi drejtësisë për arsye subjektive, pasi do t’i përkushtohet më shumë familjes së tij. Në fakt kjo është një nga arsyet klishe që përdorin tashmë prej dy vitesh rresht, ata të cilët i frikësohen vettingut. Pasi edhe Damiani vendosi të japë dorëheqjen pasi ishte njohur me gjetjet paraprake të KPK.
Kujtojmë se më parë Skënder Damini dhe dy kolegët e tij, Aleks Nikolli dhe Petrit Aliaj u hetuan nga Prokuroria e Posaçme kundër Korrupsionit dhe Krimit të Organizuar, SPAK, pas vendimit për lehtësimin e dënimit të Dritan Dajtit. Por, pas një viti e gjysmë hetime dhe rikthimit të çështjes dy herë për rihetime të mëtejshme, Gjykata e Posaçme vendosi të pranojë kërkesën e prokurorisë për pushimin e hetimeve.
Discussion about this post