Është izoluar gjatë mbrëmjes së djeshme vatra e zjarrit në parkun Kombëtar të Prespës. Burime për Gijotina.com, shprehen se për shuarjen e zjarrit ndërhynë 110 forca zjarrfikëse të Pustecit, Korçës, Devollit, si edhe ndihma nga autoritetet greke me aeroplanët e vegjël dhe një helikopter për ndërhyrjen nga ajri.
Puna e tyre ka vazhduar deri në orët e vona të natës, duke arritur ta izolojnë vatrën. Nga informacionet, zjarri ka përshkruar më tepër se 10 ha sipërfaqe, ndërsa rreth 7 ha janë djegur plotësisht. Nga ana tjetër, policia po heton lidhur me shkaqet e zjarrit, për shkak se dyshohet të jetë i qëllimshëm.
