Ende në fillim të sezonit të dimrit, Thethi është izoluar sërish nga dëbora. Prej më shumë se tre ditësh, zona turistike është bllokuar për shkak të reshjeve të dëborës, ndërsa era e fortë ka dëmtuar rrjetin elektrik. Ndërkohë qytetarë të shumtë kanë bërë apel në media për autoritetet që të reagojnë dhe të bëjnë të mundur pastrimin e rrugës.
Ky problem është i përvitshëm dhe situata është e rëndë për shkak se aksi rrugor për në Theth është i pakalueshëm për mjetet e ulëta, ndërsa një tjetër problematikë është bllokimi i turistëve në këtë zonë turistike të veriut.
Ndërsa prej 30 vitesh banorët bëjnë thirrje që mos të përsëritet e njëjta gjë vit për vit në këtë zonë, por sipas tyre ankesat kanë shkruan në vesh të shurdhër, qoftë nga pushteti vendor apo qendror.
Edhe Puka është zbardhur nga reshjet e dëborës. Sipas të dhënave nga bashkia, nuk ka rrugë të bllokuara për momentin. Apel i është bërë drejtuesve të mjeteve që të përdorin gomat e dimrit dhe zinxhirët në akset më problematike, në mënyrë që të shmangen aksidentet.
Discussion about this post