Izraeli: Nëse Hamasi s’i pranon kushte do ta shkatërrojmë Gazën

në Botë

Kohë leximi: 2 min

Deklaratat e Katzit vijnë pasi kryeministri izraelit, Benjamin Netanyahu, tha të enjten mbrëma se kishte

Ministri izraelit i Mbrojtjes, Israel Katz, u zotua se Qyteti i Gazës do të shkatërrohet nëse Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – nuk pajtohet të çarmatoset, nuk liron pengjet e mbetura dhe nuk i jep fund luftës sipas kushteve të Izraelit.

“Së shpejti, dyert e ferrit do të hapen për kokat e vrasësve dhe përdhunuesve të Hamasit në Gazë – derisa ata të pajtohen me kushtet e Izraelit për t’i dhënë fund luftës, për lirimin e të gjitha pengjeve dhe çarmatosjen e tyre”, shkroi ai në rrjetet sociale.

“Nëse ata nuk pajtohen, Gaza, kryeqyteti i Hamasit, do të bëhet Rafah dhe Bei Hanun”, shtoi ai, duke iu referuar dy qyteteve në Gazë që kanë pësuar shkatërrim në masë gjatë operacioneve paraprake izraelite.

Deklaratat e Katzit vijnë pasi kryeministri izraelit, Benjamin Netanyahu, tha të enjten mbrëma se kishte urdhëruar negociata të menjëhershme që synonin lirimin e të gjitha pengjeve të mbetura në Gazë.

Netanyahu shtoi se përpjekja për lirimin e pengjeve do të bëhej në të njëjtën kohë me operacionin për marrjen e kontrollit të Qytetit të Gazës dhe shkatërrimit të bastionit të Hamasit.

Më herët gjatë javës, Ministria izraelite e Mbrojtjes autorizoi thirrjen e pothuajse 60.000 rezervistëve për të ndihmuar në marrjen e Qytetit të Gazës.

“Këto dy çështje – mposhtja e Hamasit dhe lirimi i pengjeve – shkojnë së bashku”, tha Netanyahu përmes një video-deklarate, pa dhënë detaje të tjera se çfarë do të përfshijë faza e re e bisedimeve.

Ndërmjetësit janë duke pritur për ditë të tëra për një përgjigje zyrtare të Izraelit lidhur me një propozim të bërë së voni për armëpushim, të cilin Hamasi e ka pranuar.

Planet e Izraelit për zgjerimin e luftimeve dhe marrjen e Qytetit të Gazës kanë nxitur shqetësime ndërkombëtare, por edhe kundërshtime brenda Izraelit.

Lufta në Gazë nisi pasi Hamasi sulmoi jugun e Izraelit më 7 tetor 2023, duke vrarë afër 1.200 persona dhe duke rrëmbyer 251 të tjerë.

Si pasojë e ofensivës izraelite, në Gazë janë vrarë më shumë se 62.000 palestinezë, sipas Ministrisë së Shëndetësisë në këtë enklavë palestineze./REL

Izraeli: Nëse Hamasi s’i pranon kushte do ta shkatërrojmë Gazën

Lajme të lidhura

E pazakontë! Djali im nuk i ha kotoletat e pulës në vende të tjera”, ja si shqiptari fitoi azili në Britani

U tradhtuan nga koshi i mbeturinave, policia gjermane zbulon plantacionin e kanabisit të shqiptarëve

U iku karabinierëve dhe i theu nofullën njërit prej tyre, përfundon arratia e shqiptarit në Itali

Vuçiç fton protestuesit në debat publik mes tensioneve dhe akuzave për dhunë

Discussion about this post

TË FUNDIT

Gjesti flet pas lirimit: Jam penduar për gabimin, por kam edhe diçka për të thënë

Arrestohet oficeri i Policisë Gjyqësore në Tiranë, i ngrihen dy akuza

Banka pa sportele: një tranzicion që po ndodh para syve tanë

Rama tha se jetonte me qira, Mirlinda Karçanaj zotëron katër apartamente dhe një ullishte

Kanabis në magazinën e drejtorit të burgut të Rrogozhinës, reagon Drejtoria e Burgjeve

KONTAKT

Harta e Faqes