Ushtria izraelite tha të enjten se kishte nisur një seri sulmesh kundër objektivave ushtarake të Hezbollahut, në Libanin jugor.
Sulmet më të rënda u raportuan në Dibine, ku re të dendura tymi mbuluan zona të mëdha.
Më herët, Forcat Mbrojtëse Izraelite (IDF) lëshuan paralajmërime duke u bërë thirrje banorëve të qëndronin larg ndërtesave, përpara sulmeve ajrore.
“IDF do të sulmojë infrastrukturën ushtarake që i përket Hezbollahut, në të gjithë Libanin jugor – në përgjigje të përpjekjeve të tij të ndaluara për të rindërtuar aktivitetet e tij në zonë”, tha zëdhënësi Avichay Adraee në X.
Burime libaneze thanë se disa shtëpi banimi ishin goditur gjithashtu.
Sipas Agjencisë Kombëtare të Lajmeve shtetërore (NNA), sulmet i detyruan njerëzit në rajonin Nabatiyeh – të linin shtëpitë e tyre dhe të shkonin drejt zonave më të sigurta, duke shkaktuar bllokime të mëdha trafiku.
Kryeministri libanez, Nawaf Salam dënoi sulmet izraelite, duke akuzuar Izraelin për shpërfillje të mekanizmit të armëpushimit – të përcaktuar sipas Rezolutës 1701 të Këshillit të Sigurimit të OKB-së.
Duke folur në një mbledhje të kabinetit, ai i bëri thirrje unionit ndërkombëtar, veçanërisht vendeve që mbështesin armëpushimin, të ushtrojnë presion maksimal mbi Izraelin për të ndaluar sulmet e tij.
Pas sulmeve fillestare, IDF lëshoi paralajmërime të reja për pozicionet e dyshuara të Hezbollahut pranë qytetit portual, Tyre, duke përfshirë Tayr Zibna dhe Borj Qalaouiyeh.
Discussion about this post