Ndër emrat e lidhur me Juventusin për të forcuar sulmin në këtë sesion të merkatos verore është edhe ai i Mauro Icardit, i cili u rikthye te PSG pas huazimit te Galatasaray.
Ka 3 arsye të rëndësishme pse qendërsulmuesi argjentinas do të ishte përforcimi i përsosur për Juventusin e Massimiliano Allegrit .
-
Nuhatja për gol
Mauro Icardi ka një dhunti për golin që sulmuesit e tjerë që i janë kandidatë për të firmosur me Juventusin, në javët e fundit, përfshirë Scamacca dhe Morata, sigurisht që nuk e kanë, dhe numrat e vërtetojnë këtë: qendërsulmuesi argjentinas, në fakt, ishte themelor në triumfin e Galatasaray, në kampionat, duke shënuar 22 gola dhe duke dhënë 7 asistime në 24 ndeshje të ligës.
-
Kostot e operacionit
Kostot e operacionit gjithashtu mund të ulen në krahasim me disa vite më parë, duke qenë se PSG mund ta shesë atë edhe për më pak se 10 milionë euro pasi kontrata i skadon në qershor 2024.
Nyja e pagave duhet të zgjidhet, por Maurito, për t’u kthyer në Itali, mund të jetë i gatshëm të ulë pagën e tij në 4.5/5 milionë euro në sezon, duke përfituar edhe nga Dekreti i Rritjes.
-
Përvoja në arenën ndërkombëtare
Pasi ka luajtur me Interin, PSG-në dhe Galatasaray-in, dhe veçanërisht me parizianët në Champions League, Maurito ka një përvojë të ndërkombëtare të repsektueshme, e cila është gjithmonë thelbësore edhe nëse mbetet për t’u parë nëse Juve do të luajë në Europë vitin e ardhshëm./Tribuna
Discussion about this post