Këshilli i Lartë i Prokurorisë ka emëruar katër drejtues të përkohshëm të zyrave të prokurorive, ku mësohet se Asllan Bajramaj është caktuar drejtues i Prokurorisë Përmet.
Gjithashtu, Kledian Llaho është emëruar në detyrën e Drejtuesit të Prokurorisë pranë Gjykatës së Shkallës së Parë Sarandë, Aurel Zarka në detyrën e Drejtuesit të Prokurorisë pranë Gjykatës së Shkallës së Parë Vlorë dhe Moisi Duda në detyrën e Drejtuesit të Prokurorisë pranë Gjykatës së Apelit Durrës.
Me propozim të Komisionit të Zhvillimit të Karrierës, Këshilli vendosi unanimisht të miratojë projekt-aktin për mbarimin e statusit të magjistratit për Brahim Dragjoshin, prokuror pranë Prokurorisë pranë Gjykatës së Apelit Shkodër si dhe pranimin e kërkesës dhe miratimin e qëndrimit në detyrë të magjistratit z. Thoma Jano, deri në mbushjen e moshës 70 vjeç.
Discussion about this post