Ja sa kalori do të humbisni nëse qëndroni një orë në këmbë

Qëndrimi në këmbë për një kohë të gjatë është shumë i lodhshëm dhe kthehet në bezdisje për ne, aq më tepër nëse qëndrojmë në punë.

Një kërkim i ri, e ka “zbutur” paksa këtë fakt, duke dëshmuar se qëndrimi në këmbë ju bën të digjni kalori. Sipas një sondazhi me 1,184 vullnetarë, gjashtë orë qëndrim në këmbë na ndihmon të djegim vetëm… 54 kalori! Kjo na ngushëllon vetëm nëse mendojmë se me kaq shumë orë të ulur në divan apo në karrige, kemi më shumë gjasa të marrim kalori edhe nga uji që do të pimë.

Humbja edhe e këtyre pak kalorive gjatë qëndrimit në këmbë është për faktin se trupi ynë përdor më shumë muskuj për t’u mbajtur sesa do të na duheshin nëse do të ulnim diku rehat. Në këtë pikë duhet theksuar se meshkujt, për shkak të masës më të madhe muskulore, priren të djegin më shumë kalori gjatë qëndrimit në këmbë. Megjithatë, nëse e kombinoni qëndrimin në këmbë me pak ecje, është e sigurt që kaloritë që do të digjni do të shumëfishohen.