Dy persona, të cilët ndodheshin në bordin e një avioni luftarak të epokës sovjetike u hodhën me parashutë, pak para se avioni të rrëzohej dhe të shpërthente fuqishëm. Gjithçka ndodhi gjatë një shfaqje ajrore në Miçigan.
Piloti dhe pasagjeri i ulur në avionin MiG-23 po drejtonin aeroplanin si pjesë e shfaqjes ajrore “Thunder Over” Michigan të dielën.
Parashutat i çuan të sigurt në tokë, e më pas ata u dërguan në spital për kontrolle paraprake.
Nuk raportohet për të lënduar.
Përplasja ndodhi pak pas orës 16:00 të dielën në Belleville, Michigan, gjatë shfaqjes ajrore, sipas një deklarate të Autoritetit të Aeroportit të Qarkut Wayne.
Avioni u përplas me automjete në një parking në Ëaverly on the Lake Apartments, duke shpëtuar për pak pa rënë mbi apartamentet.
Më pas ai shpërtheu furishëm, pak para se ekuipazhet e emergjencës të mbërrinin për të shuar flakët.
Pamjet e incidentit tregojnë dy shpërthime të shkurtra flakësh që vijnë nga avioni ndërsa piloti dhe pasagjeri janë hedhur secili.
Discussion about this post