Protestuesit hedhin molotov para derës së kryeministrisë. Molotovët e hedhur para kryeministrisë në protestën e sotme, kanë krijuar kaos mes protestës. Teksa qytetarët kanë hedhur disa molotovë rresht në derën kryesore të kryeministrisë, kanë ardhur zjarrfikëset, të cilët kanë shuar zjarrin. Nga molotovet lëndohet një polic.
Protesta e sotme ka qenë kryesisht e qetë dhe ka zgjatur rreth 2 orë. Disa incidente të vogla kanë ndodhur në fund të protestës, ku qytetarët kanë thyer kordonin metalik të vendosur para kryeministrisë.
I ashpër ka qenë qëndrimi i kreut të PD Sali Berisha në protestën e sotme.
Berisha iu përgjigj edhe skeptikëve për këto protesta duke thënë: “Në këmbë shqiptarë, me misionin historik për të larguar Ramën. Për të shpëtuar familjen shqiptarë, demokracinë. Ne jemi këtu sot dhe jam i bindur se me të drejtë ka qytetarë në shesh dhe të tjerë që na ndjekin dhe thonë çfarë do bëjnë këta? Ne do bëjmë atë “ja do vdesim ja do rrojmë për liri”. Mjerë ai që provohet me ne. Ne do t’i shkojmë në Surrel…Kur ne kemi dalë me këtë betim kurrë nuk kemi humbur. Nuk mundet kurrë një grusht hajdutësh të na nëpërkëmbin ne. Të nxijnë Shqipërinë…Ai na ka shpallur luftë, ne i shpallim luftë”.
gijotina.com/
Discussion about this post