Prokuroria e Posaçme ka publikuar të dhëna të reja sa i përket arrestimin mbrëmjen e kaluar të kryebashkiakut të Bulqizës, Lefter Alla. Në një njoftim zyrtarë SPAK ka treguar se Alla ra në pranga për shkak të abuzimit për tenderin e ndërtimit të ujësjellësit.
Nga shqyrtimet e bëra Gijotin.com zbulon se tenderi për të cilin bëhet fjalë është me objekt “Ndërtim rrjeti furnizimit dhe rrjeti shpërndarës Ujësjellësi Lagia Allmet dhe ndërtimi i rrjetit te KUZ lagjja e vjetër, qyteti Bulqizë”.
Bashkia ka hapur garën për projektin me datë 24 dhjetor 2020 dhe fituesi është shpallur me 30 prill të vitit 2021. Pra më shumë se katër muaj është menduar Alla dhe stafi i tij për të vendosur fituesin, por me sa po shohim ata janë menduar kaq gjatë se si të fshehin abuzimin, por këtë herë nuk iu eci. Në dokument shihet se kanë paraqitur ofertë 5 firma, mes tyre edhe bashkimi i operatorëve “EGLAND & BE-IS”.
Kjo kompani ka paraqitur ofertën me vlerë 3.2 miliardë lekë, aq sa ishte dhe vlera totale e fondit limit.
Që këtu Alla dhe vartësit e tij kanë bërë shkeljen e parë ligjore. Pasi ligji “Për Prokurimet Publike” kërkon që të merret parasysh oferta më e lirë, dhe të paktën të jetë 25% më lirë se fondi limit.
Ndërkohë, në pikat për skualifkimin e operatorëve të tjerë shohim se Alla ka përdorur si argument faktin se nuk kanë deklaruar stafin mbështetës për kryerjen e punimeve. Ndërsa tani na del se edhe firma fituese nuk ka kryer punimet e kërkuara në dokumentet standarde të tenderit.
Sipas njoftimit të SPAK, punimet janë kryer nga OE 2AF Albania shpk, i cili kishte lidhje familjare me kryetarin e Bashkisë. Konkretisht, bëhet fjalë për Aqif Koneshën, të cilin e ka kushëri nga ana e Melaim Damzit, daja i Lefter Allës. Kështu, në përfundim paratë janë ndarë mes tyre. Sigurisht, ndonjë pjesë e ka marrë dhe Enkeljeda Lleshi, nënkryetarja e Bashkisë, e cila ka firmosur tenderin,
Ndërkohë, vlen të përmendim se pronarët e firmave fituese janë Rasim Daci i “England Shpk” dhe Hamza Islamaj, pronar i firmës “ BE-IS shpk”, të njohur për tenderët pa garë të marra nga bashkitë e tjera. Por, Islamaj njihet gjithashtu për abuzimin me tenderin miliarda lekësh për rikonstruksionin e maternitetit “Mbretëresha Geraldinë”.
Punët e Allës shkel e shko kanë bërë shumë bujë ne media.
Përmendim këtu ndërtimin e rrugës më të çuditshme në Bulqizë. Në fakt sikur e shohim nga fotot as rrugë nuk mund të quhet, pasi i janë hedhur vetëm dy rripa betoni.
Kjo rrugë është jashtë çdo lloj standardi, nuk iu shërben qytetarëve të asaj zone dhe është qesharake. Asaj kohe Alla tha se aq mundësi financiare kishin dhe se atë rrugë bënë bashkë me banorët. Madje e quajti një akt heroil.
Pra, afera e Allës është më e thellë së sa duket, shpresojmë që SPAK këtë herë do të veprojë më shpejtësi pa i lënë kohë politikës të ndërhyjë. Në fakt kjo dosje ka shumë punë, pasi ka shumë e shumë tenderë të tjerë abuzivë të firmosura nga kryebashkiaku Alla.
Lexo edhe: Arrestohet kryetari i Bashkisë së Bulqizës Lefter Alla
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post