SPAK ka arrestuar sot kryetarin e Bashkisë së Bulqizës Lefter Alla. Akuzat e SPAK e lidhin kryebashkiakun Alla kryesisht me dy akuza.
Emri i tij lidhet me abuzime me tendera dhe korrupsion, për të cilat do të duhet të përgjigjet para prokurorëve të organit të lartë gjyqësor. Kjo nuk është hera e parë që Alla vihet në qendër të akuzave publike gjatë detyrës si kryebashkiak i Bulqizës. Pak vite më parë në media qarkulloi një video ku thuhej se Alla shfaqej duke konsumuar lëndë narkotike, kokainë në një lokal.
Më vonë nga përgjigjet e analizave të kryera pranë laboratorit të policisë shkencore rezultoi se nuk ishte konsumues i lëndëve narkotike. Duke iu përgjigjur akuzave, Alla theksoi në atë kohë se e gjitha është një video montazh.
Nga ana tjetër në tetor të vitit 2019, policia vuri në pranga djalin e Lefter Allës i cili u kap me lëndë narkotike në makinë. Ai u la nën masën e sigurisë “detyrim paraqitje” ndërsa në atë kohë u raportua se Alla shfaqi rezistencë në momentin e arrestimit duke i treguar efektivëve se është djali i një kryetari bashkie.
Discussion about this post