Babai i 23-vjeçarit Klajdi Bitri, i cili u vra të dielën në Itali, në një deklaratë për mediat, i ka bërë thirrje shtetit për ti ndihmuar në sjelljen e trupit të të birit, sepse ata nuk kanë mundësi financiare.
“Më ka ndodhur një fatkeqësi shumë e madhe. Djali im shkoj për ndarjen e sherrin dhe ma qëlluan, ma vranë, pa asnjë faje. Autoritet thanë që ishte pa faj. Kishte 6 vite që punonte në Itali. Kërkoj drejtësi për fëmijën time se për çfarë i ndodhi kjo. Ishte në lule të rinisë dhe nuk shikoi asgjë.
Kërkoj ndihmë që trupi të vijë sa më shpejt në Shqipëri. Gruaja akoma nuk e di, i kemi i thënë që është nëpër spitale. Kam dal jashtë për të folur që mos të kuptoje, i ka thënë që është në gjendje të rëndë. Nuk dimë çfarë të bëjmë. Shteti shqiptar të më ndihmojë që fëmija imë të vijë sa më shpejt. Drejtësia të vejë në vend”, deklaroi Agim Bitri.
23-vjeçari nga Lushnja u vra nga një algjerian me një shtizë peshkimi, teksa ndërhyri për të shuar një sherr mes autorit dhe mikut të tij italian.
Discussion about this post