Kupa e Botës është evenimenti më i madh futbollistik në botë, dhe përfundimi i kualifikueseve të këtij kampionati po sheh shumë emra të mëdhenj që mund të mbeten jashtë kësaj gare.
Futbollistë si David Alaba dhe Jan Oblak tashmë e kanë konfirmuar mospjesmarrjen në këtë event, pasi kombëtaret e tyre kanë dështuar të kualifikohen.
Por emra të tjerë mund ti shtohen kësaj liste, ku mund të përmenden:
Erling Haaland është në ‘pole-position’ për të rrezikuar, pasi Norvegjia duhet të fitojë me patjetër kundër Hollandës këtë të martë ndërkohë që gjithçka do të jetë në varësi se si do të jetë golavarazhi i Turqisë kundër Malit të zi.
Uruguaj ka që nga viti 2006 që nuk e humbet pjesmarrjen në një Kupë Bote, por humbja kundër Argjentinës këte të dielë e kaloi skuadrën e Luis Suarez në fazën e Play-Off, ku duhet të përballet me Kilin dhe Kolumbinë.
Cristiano Ronaldo nuk mundi ta udhëheqë Portugalinë drejt kualifikimit të lehtë për këtë Botëror, ku këtë fundjavë u mundën nga Serbia me rezulatatin 2-1, duke i rëmbyer portugezëve kualifikimin vetëm në minutat e fundit të ndeshjes.
Robert Lewandowski e sheh Poloninë e tij të gjëndet menjëherë pas Anglisë në grup, që bindi kundër San Marinos me rezultatin 10-0, dhe tani gjithashtu ata duhet të ndeshen në fazën e play off, duke e vënë gjithashtu në dyshim pjesmarrjen e yllit të Bayern në këtë Botëror.
Discussion about this post