Mesfushori i Kombëtares shqiptare, Kristjan Asllani, ishte një nga protagonistët në fitoren 4-2 ndaj Jordanisë.
Duke folur për performancën e skuadrës dhe atmosferën pozitive brenda grupit, Asllani u shpreh:
“Duhej pak festë, është normale. Jemi të lumtur, ishte e vështirë. Bëmë një ndeshje serioze, fituam para tifozëve, duhet të vazhdojmë kështu. Jemi shumë shokë me Brojën. Jam shumë i lumtur për Armandon, që unë asistova dhe ai shënoi”.
“Sot luajtëm 4-2-3-1. Roli im është para mbrojtjes, unë e kam shumë qejf atë rol. Këtu kam bërë numrin 8. Po nuk preka top çmendem. Shkoj e kërkoj te portieri.
Nga ana fizike jam më mirë, kam luajtur 5-6 ndeshje në Torino. Jam shumë i lumtur që po luaj edhe me Kombëtaren. Po më ndihmojnë minutat me Torinon. Lojtari kur luan është më mirë mendërisht”, deklaroi Asllani.
Discussion about this post