Alma K., 40 vjeçarja, e cila shfaqet në video-skandalin me ish-Kryebashkiakun Safet Gjici, ka pranuar para GJKKO se ka pasur marrëdhënie të mëparshme me të.
Alma, e cila është lënë në “arrest shtëpie” ka sqaruar para GJKKO se në takimin e parë që ka pasur Gjici e ka ngacmuar seksualisht, ndaj dhe ajo ka vendosur ta regjistrojë takimin tjetër në zyrë.
“Jam viktimë, kisha projekt të merrem me qentë, kam 20 të tillë në shtëpi.
Videon e xhirova, pasi herën e parë, kur e takova ai më ngacmoi dhe vendosa ta filmoj në takimin e dytë”, ka pohuar ajo.
GJKKO konfirmosi sot masën e sigurisë “arrest shtëpie” për 40-vjeçaren, e cila u paraqit në Gjykatë me një kapele, syze duke e mbuluar fytyrën me një çantë.
Video-skandali është resgjitruar më 6 qershor, 3 ditë para se Safet Gjici të betohej para Këshillin Bashkiak dhe zyrtarisht të merrte mandatin e dytë për drejtimin e Bashkisë së Kukësit. Ndaj Gjicit është caktuar masa e sigurisë “arrest me burg”, ndërkohë SPAK vijon hetimet lidhur me çështjen.
Discussion about this post