Kryeministri Edi Rama ka marrë në mbrojtje aferën korruptive të inceneratorëve. Në një intervistë për emisionin Zonë e Lirë, Rama u shpreh se inceneratorët janë asete pasi kanë sjellë pastrimin e qyteteve, ndërsa shtoi se çmimet që paguhen janë të krahasueshme.
Rama u “kaloi topin” bashkive, duke thënë se janë këto institucione që paguajnë për inceneratorët.
“Ajo që vlen nga ana tjetër është që sjellja e gabuar korruptive apo kriminale, apo sjellja që prodhohet nga drejtësia nuk ka lidhje fare me paktin që projekti për ndërtimin e këtyre impianteve ka shpëtuar Elbasanin dhe Tiranën. Këto qytete ishin gangrena. Ka filluar përpunimi.
Plehrat ishin në Sharrë deri dje, sot gjelbërojnë. Ato janë asete. Ata që kanë bërë zullum e kanë bërë individual dhe ashtu do përballen. Çmimet janë të krahasueshme. Në të gjitha vendet, përpunimi i mbetjeve paguhet. Qeveria thjesht i jep mbështetje bashkisë së Tiranës dhe është bashkia që e shlyen atë hap pas hapi” – tha Rama.
Discussion about this post