Gjesti i tij ndryshoi ‘fytyrën’ e ndeshjes kryesore të Ligue 1 mes PSG dhe Lens (3-1) këtë të shtunë, në Parc des Princes. Ndërsa rezultati ishte ende i barabartë, Salis Abdul Samed u përjashtua nga fusha në minutën e 19-të për një ndërhyrje të ashpër në kyçin e djathtë të mbrojtësit të PSG, Achraf Hakimi.
Marokeni i PSG-së luftoi për t’u ngritur. Në Twitter, Abdul Samed kërkoi falje për këtë gjest të keq kontrolluar ndaj skuadrës së tij dhe parizienit: “Shumë i trishtuar që braktisa ekipin në këtë mënyrë,- shkruan futbollisti i Lens. – U kërkoj falje tifozëve që i zhgënjeva dhe Achraf Hakimit. Nuk kam pasur qëllime të këqija dhe më vjen shumë keq. I kërkoj falje të gjithëve.”
Achraf Hakimi pranoi faljet e ndërkombëtarit ganez, pa ndjenja të rënda: “Këto janë gjëra që ndodhin në futboll. Suksese për pjesën tjetër të sezonit!”- ka shkruar marokeni.
Trajneri i Lens, Franck Haise, kishte treguar tashmë lojën e ndershme pas këtij aksioni. Në fund të ndeshjes dhe pavarësisht zhgënjimit nga disfata, ai nënvizoi: “Kartoni i kuq është plotësisht i logjikshëm. Lajmi i mirë është se Hakimi nuk u lëndua në aksion dhe kjo është mire”.
Discussion about this post