Kryetari i Partisë Demokratike Lulzim Basha duke komentuar rezultatin negativ të PD-së në zgjedhjet e 6 marsit, tha se ai vetë nuk ka humbur asnjë garë në jetën e tij, duke shtuar se zgjidhjet ishin masakra.
Kryedemokrati theksoi se vetëm 30% e qytetarëve morën pjesë në zgjedhje, ku refuzoi të jepte dorëheqjen, ndonëse po humbet dhe Shkodrën.
“Koha për konkluzione nuk është sot se një ndër gabimet që ne bëjmë është se në fillim duhet që të bëjmë analizën. 30% tregojnë blerjen e procesit zgjedhor përshpejtimi i reformës zgjedhore dhe lufta ndaj korrupsionit janë dy nisma për të cilat ne nuk duhet që të kthehemi pas. Reformimi i PD ka filluar dhe do të bëhet në çdo nivel. Jam i gatshëm të jap gjithçka për të vazhduar dhe për të udhëhequr reformimin e Partisë Demokratike. PD nuk është pronë personale. Propagandës dua t’i them se nuk kam humbur asnjë garë por po flasim për masakra zgjedhore”, tha Basha.
Para gazetarëve, Basha theksoi se janë dy plane në të cilën do të fokusohet: reforma zgjedhore dhe reformimi i thellë i Partisë Demokratike.
Discussion about this post