Fshatrat në vendin tonë, sidomos ato në zonat e thellë, vuajnë dhe për shërbimet mjekësore. Në shumë zona ambulanca hapet vetëm disa ditë në javë, në disa të tjerë nuk ka mjek fare. Ku problem vazhdon ndër vite, ndërsa qeveria është kujtuar tani të bëjë lëvizjet. Ditën e sotme 100 mjekë të rinj specialistë janë emëruar nga Ministria e Shëndetësisë. Ata do të shërbejnë në zona të ndryshme të vendit, sipas nevojave, dhe për të përballuar jetesën do të marrin mbështetje financiare 15 mijë lekë mbi pagën.
“Janë më shumë se 50 mjekë që i atashohen spitaleve të veriut dhe po kaq në spitalet e jugut. Veç rritjes së pagave për të gjithë personelin që do të ushtrojnë profesionin e tyre aty ku ka nevojë vendi, ata do marrin një mbështetje financiare për shpenzimet apo kostot e jetesës në qytetet ku ata atashohen, duke u ofruar një mbështetje direkte prej 15 mijë lekë në muaj mbi pagën”, tha Manastirliu.
Por, gjatë fjalës së saj ministrja nuk tregoi se në cilat zona do të shkojnë këta mjekë dhe nëse janë të mjaftueshëm për të mbuluar të gjitha zonat që kanë nevojë. Pasi duke parë nevojat e raportuara cdo ditë kaq mjekë nuk janë të mjaftueshëm vetëm për fshatrat e Tiranës, të mos flasim pastaj për zonat veriore ku shpesh herë ka mangësi edhe në qytete.
Discussion about this post