Moderatorja, Alketa Vejsiu është ndër personazhet më të ndjekura në rrjetet sociale dhe jo vetëm. Por e gjithë kjo transparencë ndryshon kur flasim për jetën e saj private.
Alketa gjithmonë ka preferuar që familjen ta mbajë sa më larg vëmendjes së publikut. Vetëm pak kohë më parë, në një intervistë të dhënë për “Panoram Plus”, prezantuesja ka folur rreth arsyeve që kishte zgjedhur ta mbante hermetike jetën private.
“Mendoj që nuk do ta bëj se gjërat e shtrenjta jam mësuar ti ruaj nga hienat dixhitale!”
Tashmë, duket se vajza e saj ka filluar të shndërrohet në një yll në rrjetet sociale. Vajza e Alketës është aktive në Instagram dhe në fotot që ajo ka publikuar duket një zonjushë shumë simpatike, që duhet theksuar i ngjan shumë të ëmës për nga sharmi dhe tiparet.
Në Instagram, Nikol ka një profil shumë diskret, ku ka vendosur dhe mbiemrin e saj, Nelo. Ndjekësit e vajzës së Alketës janë të paktë, kryesisht rrethi i ngushtë i miqve dhe të afërmve të saj.
Aktualisht Nikol po studion në Angli, dhe kjo ka bërë që moderatorja ti kalojë ditët mes Londrës dhe Tiranës ku dhe vijon me angazhimet e saj në televizion.
Mbetet për t’u parë sesi do të vijojë rrugëtimi virtual i Nikol me kalimin e ditëve. Vetëm për faktin se është një personazh enigmatik deri më tani, të shumtë do të jenë ata që do të donin të dinin më shumë për të, por pse jo për të njohur më shumë edhe adoleshenten kaq simpatike.
Discussion about this post